Bernardo Silva, ka nënshkruar një kontratë të re 3-vjeçare me Manchester City. 29-vjeçari ka refuzuar ofertat nga Barcelona dhe Paris Saint-Germain për të qëndruar në Angli, duke nënshkruar një marrëveshje që do ta mbajë atë në klub deri në vitin 2026. Silva ka bërë 308 paraqitje deri më tani për skuadrën e Pep Guardiolës duke qenë një hallkë e rëndësishme edhe në ecurinë drejt lavdisë së Ligës së Kampionëve për herë të parë sezonin e kaluar. Duke folur për kanalet zyrtare të klubit, Silva tha: “Kam kaluar gjashtë vite të pabesueshme në Manchester City dhe jam i kënaqur të zgjas kohën time këtu. Fitimi i tripletës sezonin e kaluar ishte jashtëzakonisht i veçantë dhe është emocionuese të jesh pjesë e një skuadre ku ka një uri dhe pasion të tillë. “Suksesi ju bën të dëshironi edhe më shumë, dhe ky klub më jep këtë mundësi për të vazhduar të fitoj. Unë e dua menaxherin, shokët e mi të skuadrës dhe tifozët dhe shpresoj se mund të ndajmë edhe më shumë kujtime të mrekullueshme në vitet e ardhshme”, tha Silva.

 

View this post on Instagram

 

A post shared by Manchester City (@mancity)