Laçi ka prezantuar ditën e sotme tre afrimet e reja. Altin Kryeziu, Ledjo Tresa dhe Frenc Valteri janë futbollistët më të rinj të bardhezinjve. Lajmi ishte i ditur prej pak kohësh, por mungonte vetëm zyrtarizimi nga klubi i cili ka ardhur tani. Të tre lojtarët kanë qenë nën urdhërat e trajnerit Stavri Nica ndërsa kanë luajtur edhe në miqësoret e zhvilluara. Kontratat e futbollistëve janë 3-vjeçare dhe kështu Laçi siguron 3 lojtarë për 3 reparte. Valteri, 17 vjeç vjen nga Internacionali dhe luan në mbrojtje ndërsa Tresa, 18 vjeç si sulmues krahu nga i njëjti ekip. 21-vjeçari Kryeziu vjen nga Kosova dhe luan në repartin e mesfushës. Laçi do të presë Erzenin në shtëpi nesër në orën 17:00 dhe të tre lojtarët pritet të debutojnë me fanellën kurbinase me Tresën që ka shanse të mira ta nisë nga minuta e parë.

 

View this post on Instagram

 

A post shared by KF.LAÇI (@kflaci.al)