Filippo Terracciano është futbollisti më i ri i Milanit. Lajmi i cili ishte konfirmuar prej kohësh në mediet italiane zyrtarizohet nga kuqezinjtë të cilët e prezantojnë me një postim në rrjete sociale.
Terracciano vjen nga ekipi i Hellas Verona dhe mbetet për t’u konfirmuar shuma që kuqezinjtë kanë paguar, por në media është raportuar për rreth 5 milionë euro. Talenti 20-vjeçar luan si mbrojtës i djathtë ndërsa mund të bëjë mjaft mirë edhe mesfushorin në po këtë krah.
Terracciano ka nënshkruar një kontratë deri më 30 qershor të vitit 2029 dhe në fanellë do të bajë numrin 38. Futbollisti do të jetë i gatshëm të debutojë në ndeshjen e rradhës ndaj Atalantas këtë fundjavë.
Poll
Lexo gjithashtu
