AC Trento njofton se ka transferuar futbollistin Armand Rada nga Virtus Entella. Mesfushori i lindur në vitin 1999 ka nënshkruar një kontratë 2-vjeçare me klubi, deri më 30 qershor 2025.
Rada u rrit në ekipet e të rinjve të Brianza Olginatese dhe më pas debutoi në Serinë D me klubin lombard kur ishte ende shumë i ri. Rada ka qenë edhe pjesë e të rinjve të Interit më parë. Teksa së fundmi mbylli aventurën me Entella dhe iu bashkua Trentos. Armand Rada mburret edhe me 9 paraqitje për Kombëtaren e Shqipërisë nën 20 vjeç.
Lojtari foli për herë të parë si lojtar i Trentos:
“Projekti i paraqitur nga drejtori sportiv Giorgio Zamuner më bindi menjëherë. Zgjodha Trenton sepse mendoj se këtu janë kushtet për të bërë një kampionat të rëndësishëm. Jam i gatshëm për këtë aventurë të re”, tha Rada.
Gjithashtu klubi i Trentos me anë të një postimi në faqen zyrtare të Facebook i uroj lojtarit shqiptar mirëseardhjen.
Lexo gjithashtu
