Ekipi i Korabit vazhdon që të përforcojë ekipin me qëllimin ngjitjen në elitën e futbollit shqiptar. Klubi dibran ka prezantuar ditën e sotme, afrimin më të fundit, mbrojtësin e talentuar Alesio Stafa.
Lajmin për transferimin qendërmbrojtësit 19-vjeçar e ka bërë të ditur vetë klubi i Korabit me anë të një postimi në faqen zyrtare, ku shkruan:
“Klubi I Futbollit Korabi njofton arritjen e marrëveshjes me Alesio Stafa. Mbrojtësi ka arritur akordin me klubin ku ka hedhur firmën mbi kontratën, e cila e lidh me KF Korabin për vitet e ardhshëm. I urojmë suksese lojtarit dhe klubit!”.
Kujtojmë që më parë Stafa është aktivizuar për Partizani U19 dhe Elbasani U21. Teksa këtë herë kërkon të kontribuojë te dibranët për t’u rikthyer në Superiore.
Poll
Lexo gjithashtu
