Mesfushori i Manchester Cityt David Silva ka dhënë zyrtarisht dorëheqjen nga Kombëtarja e Spanjës.
32-vjeçari e ka komunikuar vendimin e tij me anë të një letre në "Twitter".
"Largohem me ndjenjën e të qenit i gëzuar për gjithçka që kam arritur. Jetova dhe ëndërrova me një skuadër që do të mbahet mend përgjithmonë dhe tani po i jap fund një periudhe me shumë kujtime, me një figurë si Luis Aragones që ka qenë një mësues që s'do ta harrojë kurrë", shkruan Silva në letrën e lamtumirës.
Ai largohet pas 12 vitesh (125 ndeshje) me fanellën e "Furisë së Kuqe" 2006-2018.
Silva ishte pjesë e gjeneratës më të suksesshme të futbollit spanjoll dhe njërës prej më të mirave të gjitha kohërave. Ai fitoio dy kampionate europiane (2008, 2012) dhe një Kupë Bote (2010).
Lexo gjithashtu
