Isco ka arritur marrëveshjen paraprake me Sevillan, për të qenë lojtar i tyre gjatë sezonit të ardhshëm. Mesfushori andaluzian ka mbërritur në destinacionin e radhës, teksa nesër do i nënshtrohet testeve mjekësore, për të nënshkruar më pas kontratën e re 2-vjeçare.
Ky afrim i andaluzianit është i treti për klubin spanjoll, që vjen nga Real Madrid me parametra zero. Isco shihet të ketë mjaft potencial akoma në këmbët e tij, teksa pritet të japë kontribut të vyer te Sevilla e sezonit të ardhshëm që me shumë gjasa do jetë konkurrente me më të mirët.
