Zgjohet më në fund Kastrioti. Që prej fundit të kampionatit ku ranë nga kategoria, krutanët kanë qenë në gjumë letargjik duke mos patur asnjë lajm rreth ndërtimit të skuadrës së re. Thuajse i gjithë grupi është larguar së bashku me trajnerin Emiljano Çela.
Mirëpo, drejtuesit kanë filluar të lëvizin duke filluar nga emërimi i trajnerit të ri. Në fakt do të jetë ‘i vjetër’ pasi në stol do të rikthehet Ramadan Ndreu. Sinjale këto që tregojnë se po merren hapa për sezonin e ri futbollistik.
Ndreu ka qenë disa herë në krye të skuadrës duke i ngjitur në Superiore dhe duke i kthyer në një ekip ‘bezdisës’ për kundërshtarët në elitë. Pas trajnerit, tani pritet që të punohet edhe për afrimin e lojtarëve të rinj që do të formojnë ekipin e sezonit 2023-2024.
Lexo gjithashtu
