Skuadra e Tiranës ndodhet në Zllatibor të Serbisë për fazën përgatitore. Sot është zbardhur edhe axhenda e miqësoreve që bardheblutë do të zhvillojnë gjatë kësaj faze.
Me anë të një njoftimi në faqen zyrtare të klubit, Tirana ka njoftuar se do të zhvillojë katër takime miqësore. Ditën e nesërme në orën 18:00 do të luhet miqësorja e parë ndaj ekipit malazez OFK Petrovac.
Ditën e shtunë do të luhet takimi i dytë miqësor ndaj një tjetër ekipi malazez, OFK Grbalj.
Ndërkohë dy miqësoret e tjera do të luhen të martën ndaj Novi Pazar dhe të premten ndaj OFK Beograd.