Zbulohen datat e garimit të shqiptarëve në Lojërat Olimpike

Ditën e nesërme ngrihet zyrtarisht sipari i Lojërave Olimpike të Rios. Evenimenti mbarëbotëror do të mbërthejë para televizorit qindra miliona fansa të cilët do të ndjekin garat e sporteve të ndryshme.

Edhe fansat shqiptarë do të jenë të interesuar për të ndjekur Lojërat Olimpike pasi Shqipëria do të përfaqësohet nga 6 sportistë, por edhe Kosova do të marrë pjesë duke u përfaqësuar nga 8 sportistë.

Kalendari i garimit të sportistëve të Shqipërisë vijon më poshtë:

7 gusht- Evangjeli Veli (peshëngritje, kategoria 53 kg)

9 gusht- Briken Calja (peshëngritje, kategoria 69 kg)

10 gusht- Nikol Merizaj (not, 100 metra stil i lirë)

11 gusht- Sidni Hoxha (not, 50 metra stil i lirë)

13 gusht- Luiza Gega (atletikë, 3000 metra me pengesa)

13 gusht- Izmir Smajlaj (atletikë, kërcim së gjati)