E ardhmja e Armando Brojës vazhdon të jetë në pikëpyetje. Sulmuesi shqiptar nuk e ka të sigurtë qëndrimin në “Stamford Bridge” dhe mund të largohet nga Chelsea gjatë merkatos.
Në fakt interesimet për të nuk kanë munguar, teksa West Ham është ekipi që këmbëngul më shumë për shërbimet e tij. Por ditët e fundit siç duket kjo pistë është “zbehur” dhe tashmë në skenë del një tjetër skuadër, po në Premier League.
Sipas mediave britanike bëhet me dije se Wolverhapton kërkon sulmuesin shqiptar. Drejtuesit anglezë kanë piketuar Brojën si të duhurin për sulmin e tyre për pjesën e dytë të sezonit .Në këtë mënyrë një mundësi është që Broja të kalojë te skuadra e “Ujqërve”.
Gjithashtu nga ana tjetër edhe Fulham është po aty për të tentuar transferimin e 22-vjeçarit. Në 17 ndeshje këtë sezon, sulmuesi shqiptar ia ka dalë të shënojë 2 gola, teksa pritet se çfarë do të ndodhë fillimisht me merkaton e Chelsea dhe cili do të jetë më pas vendimi për të ardhmen e Brojës.
Lexo gjithashtu
