Xherdan Shaqiri përfundon në “ANKAND”, tjetër skuadër italiane shfaq interes

E ardhmja e Xherdan Shaqiri mund të jetë në Seria A italiane.

Mesfushori me tipare sulmuese duket se nuk ka vend te Liverpool dhe largimi shihet si vendimi ideal për karrierën e tij.

Lazio ka shfaqur interes për 29-vjeçarin me origjinë shqiptare. Por së fundmi në garë është futur edhe Napoli, me Spalletti që shikon te Shaqiri futbollistin për të bërë lidhjen mes mesit të fushës dhe sulmit.

Sevilla dhe Villarreal kanë kohë që po kërkojnë një huazim, ndërsa përfaqësuesi zviceran tha për “Corriere dello Sport” se nga skuadrat e interesuara vlerëson shumë Lazion dhe trajnerin, Mauricio Sarri.