Barcelona u ndal në barazim ndaj Gironas në sfidën e javës së 28-të të la Ligas. Një takim që përfundoi 0-0 mes tyre, me katalanasit që nuk përfituan dot që të çonin në +15 diferencën me Real Madrid.
Gjithsesi për trajnerin Xavi Hernandez nuk është shqetësuese, pasi përsëri skuadra e tij është +13 nga madrilenët.
“Ajo që më shqetëson është të fitoj kampionatin. Kishim shumë raste për të shënuar dhe për të fituar kundër një ekipi të madh. Arritëm të marrim një pikë duke e dërguar diferencën nga Reali në +13, kjo ka rëndësi.
Tifozët thërrasin emrin e Messi-t? Njerëzit prodhojnë iluzione, të gjithë koëndojnë emrin e tij, por të shohim se çfarë do të ndodhë. Dëgjova në një program se ky është viti që ka prodhuar më shumë të ardhura, kjo më befasoi, më jep edhe bezdisje. Ne jemi në erën post-Messi dhe po bëjmë një sforco titanike, nuk më pëlqejnë këto diskutime”, u shpreh Xavi.
Lexo gjithashtu
