Barcelonën nga titulli kampion e ndan vetëm një fitore. Ky do të ishte dhe titulli i 27-të në historinë e klubit, ndërsa katalanasit rikthehen të jenë kampionë të La Ligas pas 4 sezonesh. Titulli i fundit ishte në sezonin 2018-2019.
Në Barcelonë tashmë kanë nisur edhe përgatitjet nga ana e tifozëve për festën e titullit. Sergio Busquests me shumë gjasa do të ndrejë lart edhe trofeun e fundit si kampion i La Ligas, pasi mesfushori ndodhet në vitin e fundit të kontratës me katalanasit.
Tashmë në moshën 34-vjeçare, Busquets ka marrë edhe vendimin sa i takon të ardhmes së tij, ndërsa do t’ua komunikojë edhe pjesës së lojtarëve dhe stafit.
“Kam vendosur pak a shumë se cila do të jetë e ardhmja ime. Tani kemi disa ditë pushim. Kur të kthehem do t’ua bëj të ditur vendimin tim edhe trajnerit e drejtuesve”, ka deklaruar veteran katalanas.
Xavi prej kohësh ka theksuar se e dëshiron 34-vjeçarin pjesë të skuadrës edhe për sezonin e ardhshëm, pasi eksperienca e tij është shumë e rëndësishme. Kujtojmë se Busquets ka marrë oferta të tjera nga MLS ku Toronto dhe Inter Miami kanë nisur garën për të tranferuar në Amerikë.
Lexo gjithashtu
