Për pak ditë Partizani do të nisë nga puna për sezonin e ardhshëm futbollistik. GJithçka fillon nga përgatitjet për Champions League për kampionët e vendit. Në këto kushte, të kuqtë pritet të bëjnë edhe goditje të rëndësishme në merkato, megjithëse deri më tani nuk ka pasur ndonjë goditje të madhe.
Megjithatë, gjasat janë që shumë shpejtë të ndodhë diçka. Bëhet fjalë për ish-lojtarin e Kukësit, William Cordeiro, i cili ka mbyllur pushimet me familjen e tij në Brazil dhe është nisur drejt Shqipërisë, sikurse shihet edhe nga fotot e mëposhtme. Anësori është pa skuadër për momentin, dhe përderisa po vjen këtu, atëherë do të thotë që diçka mund të jetë arritur dhe gjasat janë për tek Partizani.
Padyshim që kjo do të ishte edhe një përgjigje e mirë e të kuqve ndaj Tiranës, të cilët së fundmi kanë zyrtarizuar Torasën dhe Calenë. Megjithatë, gjithçka mbetet për t'u parë se çfarë do të ndodhë.
Lexo gjithashtu
