Një postim i Alban Xhaferit në rrjetet sociale është bërë shkak që të ketë një debat në distancë me një ndjekës të tij. Presidenti i klubit të Vllaznisë promovon bukuritë e qytetit të Shkodrës, por një tifoz i kujton situatën në të cilën gjendet ekipi kuqeblu.
Kaq mjaftoi dhe Xhaferi nuk ia përtoi. Përkundrazi me qetësinë që e karakterizon i tregoi se Vllaznia do të luftojë deri në fund për objektivat sezonalë. “Prandaj është Vllaznia kështu se ti merresh me urat o inxhinier”, i shkruante një nga ndjekësit.
Përgjigja e Xhaferit ishte e menjëhershme: “Aty asht Ura e Mesit zotni. Asht një pamje që të mahnit me arkitekturën e saj dhe bukuritë që ja ka fal Zoti Shkodrës. Ky asht konteksti i statusit. Meqë përmende Vllazninë, si i pari i saj e dua dhe më dhemb ma shumë se askush tjetër kur nuk shkon mirë. Por, do t’ia bajmë hyzmetin dhe do të luftojmë deri në fund me ç’ka kena në dorë, për këtë rri i qetë si tifoz. Pastaj risku vjen prej Zotit”.
Aktualisht skuadra e Vllaznisë gjendet edhe jashtë zonës europiane, teksa renditet në vendin e 5-të të Superiores me 42 pikë.
[caption id="attachment_690947" align="alignnone" width="940"]
Komentet mes tifozit dhe Xhaferit[/caption]
Lexo gjithashtu
