Bayern Munich ka barazuar në transfertë përballë Freiburg, në ndeshjen e vlefshme për javën e 24 të Bundesligës gjermane. Sfida e zhvilluar në stadiumin “Europa-Park”, përfundoi me rezultatin 2-2.
Pjesa e parë nisi më mirë për vendasit, që pasi rrezikuan portën disa herë, kaluan në avantazh me anë të Gunter në minutën e 12’. Por supergoli i Tel në minutën e 32’ bëri që pjesa e parë të mbyllej në baraspeshë.
Me nisjen e pjesës së dytë bavarezët ishin më kërkues, teksa gjetën edhe golin e përmbysjes me anë të Musialës në minutën e 75’. Gjermani kaloi këdo që i doli përpara dhe në fund dërgoi topin në rrjetë.
Por festa e bavarezëve nuk zgjati shumë, pasi në minutën e 87’ ishte Holer ai që shënoi golin e katërt të sfidës duke rikthyer edhe një herë tjetër baraspeshën në këtë supersfidë.
Me këtë barazim, Bayernit pothuajse i shuhen shpresat për titullin kampion. Bavarezët mbeten në vendin e dytë me 54 pikë, plot 7 më pak se Leverkusen kryesues, me këta të fundit që kanë edhe një ndeshje për të luajtur.
Në krahun tjetër, Freiburg shkon në kuotën e 30 pikëve dhe renditen në vendin e 9-të në tabelën e klasifikimit.
Golat e sfidës. (VIDEO)
Lexo gjithashtu
