Në Kinë gjatë datave 18-27 tetor do të zhvillohen Lojërat Botërore të Ushtrisë 2019. Shqipëria do të përfaqësohet në këto gara me efektivët e vet nga radhët e ushtrisë dhe një prej emrave më të famshëm është Luiza Gega.
Kampionia Kombëtare në atletikë është nëntetare e Policisë Ushtarake dhe do të jetë e vetmja që garon për disiplinën e atletikës. 9 efektivë të tjerë do të garojnë për disiplinat e mundjes dhe xhudo.
Njoftimin e ka bërë të ditur Komiteti Olimpik Kombëtar Shqiptar, të cilët zbulojnë se Flamurin kombëtar në parakalimin e zakonshëm do ta mbaj Luiza Gega.
“Ekipi shqiptar pak caste para parakalimit në Lojërat Botërore të Ushtrisë 2019, që po zhvillohen në Kinë në datat 18-27 tetor 2019.
Flamuri kombëtar iu dorëzua nëntetares së Policisë Ushtarake, atletes kampione kombëtare Luiza Gega, por përveç atletikës, 9 efektivët tanë do të garojnë edhe në mundje e xhudo.
Suksese”, njofton KOKSH.
Video para momentit të parakalimit të ekipit të Shqipërisë
Loading ...
