Për 50 vite nuk ka ndalur, madje as defektet e ndryshme të biçikletës s’e bënë diçka të tillë. Burhan Berisha, një nga sportistët më të dalluar në çiklizëm është vlerësuar nga presidenti i Republikës Ilir Meta. Ai është dekoruar me titullin “Mjeshtër i Madh”. Në një ceremoni speciale ku u vlerësua dhe Agron Huqi, Berisha tha disa fjalë duke treguar edhe një herë dashurinë që ka për këtë sport.
“Falënderoj presidentin që këtë kohë që kam kaluar, s’e konsideroj si të harxhuar kot. Por, e konsideroj një kohë me vlerë, një kohë të bukur që bukurinë ma dha sot kjo (dekorata)”, përfundon me lot në sy kampioni absolut i këtij sporti.
Berisha për 50 vite me radhë ka bërë sportistin kampion, trajnerin, gjyqtarin dhe drejtuesin model. Sot është në krye të Shoqatës së Veteranëve në çiklizëm.
Lexo gjithashtu
