Dinamo ka mposhtur 0-1 Skënderbeun në Korçë. Sfida e javës së gjashtë për Superligën është vendosur nga Chinedu në minutën e 69, me Blutë që marrin tri pikë me vlerë.
Humbja 6-3 me Vllazninë është lënë pas nga Nëndetësja, teksa zhysin Skënderbeun në vendin e fundit në klasifikim.
Pas ndeshjes për Gol pas Goli foli trajneri i Skënderbeut, Migen Memelli. Korçari e ka me gjyqtarin Andi Koçi për rastin e golit, teksa VAR mungoi në këtë duel për shkak se u prish monitori përpara sfidës.
"Presion për largim? Të gjithë trajnerët janë në presion, si ata që janë sipër në pozicion dhe ne poshtë. Vetëm arbitri nuk pa rastin kur Skuka mori topin me dorë. Për mos i hequr meritat Dinamos, kemi bërë paraqitje të mirë, kishim raste, goditëm portën ndryshe nga ndeshja e kaluar.
15-20 minutat e pjesës së dytë kemi ushtruar presion. Kur gjërat bëhen mirë në skuadër, nuk kam çfarë të them. Nuk kam peng. Kusuret e mija vijnë nga VAR, sot e morën topin me dorë dhe bënë gol, nuk kishte VAR sot. Në Tiranë VAR ishte kundër nesh.
Ajo që doja unë si Migen, është që ky arbitrër mos na arbitrojë më. Mihana ka bërë ndërhyrje flagrante ndaj nesh, nuk ka dhënë një të verdhë. Nuk i heq meritat Dinamos.
Nëse dora e Skukës do jepej faull, nuk do merrnim këtë gjë.
Kemi 11 lojtarë nën 20 vjeç. Pesë lojtarë me eksperiencë janë shtylla jonë. Përshtatja e lojtarëve të rinj nuk është e thjeshtë, unë i kam idetë në kokë. Duhet një rritje nga ana profesionale për djemtë e rinj.
Zëvendësimet nga ndeshja e fundit? Kemi lojtarë që mund t'i fusim nga stoli, për atë çka lojtarët japin në fushë. Donim të spostonim skuadrën në sulm. Dinamo vinte jo mirë psikologjikisht. Kur ke lojtarë më të mirë në grup, e kthen këtë gjë më shpejt se lojtarët e tjerë.
Marën e spostuam dy herë, në fund ishim 4-2-3-1 për të dalë me Meksin dhe Zguron nga krahët. Mara është i jashtëzakonshëm, të gjithë do kenë mundësinë e tyre. Ne kemi lojtarët tanë dhe nuk do largohet askush", tha Memelli.
Lexo gjithashtu
