Lionel Messi vazhdon të fitojë çmime të rëndësishme këtë vit. Kapiteni i Argjentinës ia doli që të rrëmbente edhe çmimin “Lojtari i vitit 2023” në ceremoninë e organizuar mbrëmjen e djeshme nga FIFA. Kampioni i botës e fitoi kështu për herë të tetë në karrierën e tij, ndërsa luftoi “dhëmb për dhëmb” me Erling Haaland për këtë çmim, ndërsa ndanë edhe kuotë të njëjtë pikësh. Gjithsesi do të ishte “Pleshti” që do ta merrte këtë vlerësim, pasi kishte më shumë kapitenë të kombëtareve që i  dhuruan 5 pikësha. Por në momentin që Messi merr çmimin, babai i Haaland, i cili ka qenë një futbollist, Alfie Haaland bëri reagimin epik. Ky moment është fiksuar nga kamerat, ndërsa është bërë viral në internet, me babain e sulmuesit norvegjez dukshëm i zhgënjyer që djali i tij pavarësisht që fitoi Premier League, Champions League dhe UEFA Super Cup nuk ia doli sërish të fitonte përballë argjentinasit.

pic.twitter.com/CHnw2RK7o2

— Messi Xtra (@M30Xtra) January 15, 2024