Kush është lojtari më i mirë, Lionel Messi apo Cristiano Ronaldo? Kjo është pyetja e famshme për të cilën ende nuk ka një përgjigje të saktë. Shumë tifozë zgjedhim argjentinasit dhe shumë të tjerë portugezin. Duket se pavarësisht viteve që kalojnë sërish kjo dilema e më të mirit do të jetë prezente. Pikërisht kësaj pyetje i është përgjigjur Kylian Mbappe. Sulmuesi francez nëpërmjet një video në rrjetet sociale ka thënë mendimin e tij, teksa është bërë viral në internet. “Unë e dua Cristianon, kam qenë një fans i madh i tij kur isha më i ri. Por fillova të kuptoj se Messi është shumë i mirë. Kur je i ri dhe tifoz i Cristianos, nuk mund ta kuptosh sa i mirë është Messi sepse e do Cristianon. Jam rritur dhe tani i dua të dy”, ka theksuar francezi. Kujtojmë se Mbappe në dhomën e tij gjithmonë ka mbajtur poster të CR7-tës, ndërsa te PSG-ja me Messin u krijua një dyshe e frikshme lojtarësh.

This video of Mbappé’s take on Messi & Ronaldo is getting viral pic.twitter.com/rMdgWdmwkK

— L/M Football (@lmfootbalI) September 13, 2023