Shqipëria luajti dhe fitoi mbrëmë 2-0 kundër Polonisë, ndeshje e vlefshme për kualifikueset EURO 2024. Një takim ku emocionet pushtuan të gjithë të pranishmit në stadiumin “Air Albania”.
Edhe uniformat blu ishin të shumtë në numër për të ndjekur nga afër këtë sfidë të rëndësishme për djemtë tanë kuqezi të cilët bënë më të mirën në një natë që do të mbahet mend gjatë.
Edhe pse në stadium ishin për të vendosur rendin dhe sigurinë, kur luan Kombëtarja duket se të zhvesh nga çdo profesion. Kësisoj, në një video, shihen policët të cilët këndojnë këngën e Shkurte Fejzës “Mora fjalë”.
Me megafon në dorë dhe shkop gome në brez, kjo nuk i spraps t’i bashkohen korit të tifozëve. Për më shumë iu ftojmë të shihni videon e mëposhtme, ku nuk mungoi asgjë që i takon një përballje futbolli.
Lexo gjithashtu
