Ish-lojtari i Brazilit, Marcelo i cili aktivizohet aktualisht tek Fluminense ishte pjesë e një episodi të tmerrshëm në ndeshjes e së martës midis ekipit të tij dhe Argentinos Jrs. Marcelo u përjashtua me karton të kuq dhe doli nga fusha me lot në sy pasi u përplas me Luciano Sanchez gjatë një ndeshjeje të Copa America Libertadores në “Buenos Aires”, duke e lënë mbrojtësin kundëeshtar në tokë me një dëmtim mjaft të rëndë. Ish-mbrojtësi i Real Madrid ishte duke dribluar Sanchezin kur këmba e tij kaloi topin dhe kapi argjentinasin me forcë në këmbë. Këmba e lojtarit argjentinas u përkul në një mënyrë të tmerrshme duke e lënë atë të shtrirë në tokë dhe duke rënkuar nga dhimbjet. Ekipi i Argentinos tha se Sanchez është dërguar në Sanatoriumin “Finochietto” pranë stadiumit dhe se klubi do të bëjë një përditësim më vonë për gjendjen e futbollistit.

Would this be the end of Marcelo's footballing career after he unknowingly inflicted this injury to his opposition player .pic.twitter.com/4gOp95UgVi

— Complete Football 247 (@Completefoot247) August 2, 2023