Interi ka fituar në shtëpi përballë Veronas në ndeshjen e vlefshme për javën e 19-të të Serie A. Sfida e zhvilluar në stadiumin “San Siro” përfundoi me rezultatin 2-1 në favor të vendasve.
Të parët që kaluan në avantazh ishin zikaltërit të cilët shënuan me anë të Lautaro Martinez në minutën e 13’ të sfidës. Pjesa e parë u mbyll me avatnazhin minimal të Interit.
Me nisjen e pjesës së dytë, Verona u bë më kërkuese. Miqtë gjetën golin e barazimit në minutën e 74’ të ndeshjes me antë të francezit, Thomas Henry. Kur u mendua se u mbyll gjithçka, ishte Frattesi në minutën e 93’ që shënoi golin e fitores.
Pas kësaj fitoreje, Interi mbetet në vendin e parë me 48 pikë. Në krahun tjetër Hellas Verona mbetet në zonën e ftohtë të klasifikimit, duke u renditur në vendin e 18-të me vetëm 14 pikë të grumbulluara.
Përsa i përket Asllanit, mesfushori i Kombëtares shqiptare e “shijoi” këtë ndeshje nga stoli, me Inzaghin që zgjodhi të mos e aktivizonte lojtarin me origjinë nga Elbasani.
Goli i Lautaros. (VIDEO)
Goli i Veronas. (VIDEO)
Goli i Frattesit. (VIDEO)
Lexo gjithashtu
