Goli më i bukur i Euro 2016 është i hungarezit Zoltan Gera, gol që u shënua në sfidën ndërmjet Portugalisë dhe Hungarisë e cila përfundoi në barazim 3-3. Mesfushori veteran bën pjesë në skuadrën e Ferencvaroshit, skuadër e cila është kundërshtar i Partizanit në Champions League. Të kuqtë do të luajnë sonte përballë tyre në “Elbasan Arena”, në kuadër të raundit të dytë kualifikues të Champions League. Një sfidë që konsiderohet shumë e vështirë për “demat”, duke parë kualitetet e kësaj skuadre.