Valon Berhami, shqiptari që po bën karrierë futbollistike në Zvicër, u është drejtuar me një letër të hapur tifozëve për fëshëllimat e tyre në stadium për zëvendësimin e futbollistëve, raporton newsport.al.
Mediat kanë raportuar për fërshëllimat ndaj sulmuesit Haris Seferovic në zëvendësimin e tij. Publiku zviceran me këtë reagim ka shkaktuar një valë debate, ku është përfshirë edhe Berhami.
Futbollistët kanë dalë në mbrojtje të sulmuesit.
Letra e hapur e Valon Berhamit
"A mund të fërshëllehet një lojtar? Sigurisht se kush paguan një biletë automatikisht është i lirë të shprehë zhgënjimin e tij. Por, në këtë rast bëhet fjalë për kombin tonë. Bëhet fjalë për djemtë që përpiqen ta bëjnë krenar vendin. Të njëjtit djem që bën paraqitje fantastike, duke u kurorëzuar me një kualifikim në Kupën e Botës. Sportistët gjithashtu janë njerëz dhe i ndjejnë fishkëllimat. Sidomos kjo nuk është dashur të ndodhë në një mbrëmje të tillë.
Kupa e Botës gjithashtu ushqen ëndrrat e fëmijëve. Ashtu sikur më ka ndodhur mua në vitin 1994. Kupa e Botës do të thotë gjithashtu se familja dhe miqtë bashkohen për mbrëmje të veçanta. Kjo mund t'i largojë nga stresi dhe telefonat, që na lidhin si skllevër. Edhe ata që nuk e përcjellin futbollin do të bashkohen, do të mbajnë një flamur mbi supe, ose do të përkrahin ekipin e tyre. Por, fishkëllimat e tij kundër një lojtari të Kombëtares nuk bën të ndodhin. Jo, në kohë të tilla. Ne e dimë se edhe një herë kemi mundësuar kombin të përjetojë ditë të tilla të veçanta", thuhet në letrën e hapur të Valon Behramit.
Lexo gjithashtu
