Gjermania pësoi një tronditje të madhe pasi u eleminua në grupe për të dytën herë radhazi në Kupën e Botës. Tashmë dhe pse kanë kaluar ditë nga eleminimi i gjermanëve, gazetarja Cristina Cubero ka akuzuar për këtë gjë, mesfushorin Toni Kroos i cili është tërhequr nga kombëtarja prej vitesh.
Gjatë analizës për Kupën e Botës në Katar, gazetarja Cristina Cubero u ndal te “fajtori” Toni Kroos, duke e cilësuar mesfushorin e Real Madrid si një nga shkaktarët e eliminimit dhe paraqitjes zhgënjyese të gjermanëve.
Toni Kroos nuk ka hezituar duke postuar në rrjetet sociale komentin e gazetares: “E dija që dikush do të më akuzonte”, dhe postimin e tij e shoqëron me një të qeshur të madhe.
VIDEO:
Sabía que alguien me iba a echar la culpa https://t.co/kwPj6KPIO8
— Toni Kroos (@ToniKroos) December 23, 2022
