Granada e Myrto Uzunit u ndesh ditën e djeshme me ekipin e Cartagenës që bën pjesë sulmuesi tjetër shqiptar, Armando Sadiku. Sfida e javës së 13-të për La Liga2 u mbyll me shifrat e barabarta 0-0.
Takimi që nuk dhuroi asnjë gol, është përfolur shumë për disa episode të ndodhura me tifozët e Granadas. Klubi ka bërë një reagim zyrtar duke përjashtuar nga çdo ndeshje e ekipit tifogrupin e “South Fund”.
Reagimi i klubit të Granadas:
“Klubi i Granadas pasi ka analizuar pamjet në të cilat ka pasur akses dhe raportoi në polici për ngjarjet e ndodhura të dielën e kaluar, më 30 tetor 2022, në ndeshjen me ekipin e Cartagenas deklaron:
1- Granada Club de Futbol dënon rreptësisht çdo akt të dhunshëm, urrejtje dhe jotolerant.
2- Bazuar në faktet, Granada Club de Futbol ka vendosur:
- Përjashtimin e tifogrupit "South Fund", apo ndryshe tifozët zyrtare të klubit të futbollit të Granadës.
- Dëbimi i tifogrupit "South Fund" nga tribunat e posaçme të stadiumit Nuevo Los Carmenes.
- Anulimi i biletës së sezonit, që tëmundëson të jetë pjesë e takimeve për vitin 2022-23, për të gjithë anëtarët e regjistruar në librin e posaçëm të mbajtur nga klubi. Anëtarët e të cilit identifikohen si tifogrupi "South Found" të përjashtohen dhe t’u anulohet vlefshmëria e biletës së sezonit për të gjithë ata që janë identifikuar nga Forcat e Sigurimit të Shtetit në ngjarjet e përshkruara më sipër.
3- Masat e sipërpërmendura hyjnë në fuqi menjëherë duke nisur nga takimi i javës së 14-të të La Liga2 që do të luhet ditën e enjten datë 3 nëntor 2022 në Los Carmenes kundër Levantes.
Po kështu klubi i Grandas, falenderon pjesën tjetër të tifozerive të cilat ishin pjesë e takimit ndaj Cartagenas, që me sjellen tyre korrente ndoqën takimin brenda dhe jashtë stadiumit”.
VIDEO:
Lexo gjithashtu
