Inter ka humbur 1-0 miqësoren kundër Lens. Goli i vetëm i takimit për vendasit erdhi në minutën e 90’ nga Openda. Për këtë sfidë trajneri Inzaghi nuk e preferoi titullar Kristjan Asllanin. Mesfushori kuqezi mori minuta vetëm gjatë pjesës së dytë, teksa u aktivizua në minutën e 61’ duke i zënë vendin Brozoviç.
Kjo është humbja e parë e Interit në miqësoret e zhvilluara, teksa më parë kanë barazuar 2-2 kundër Monacos dhe kanë fituar 1-4 përballë Luganos. Protagonist gjatë dy sfidave të mëparshme ka qenë dhe Asllani, duke tundur rrjetën 1 herë dhe dhënë 1 asist.
Kujtojmë se dhe Milani humbi në miqësoren e saj sot përballë Zalaegerszegi(3-2). Mesa duket nuk ishte dita e klubeve të Milanos, që vazhdojnë fazën përgatitore.
