Manchester City ka realizuar golin e dytë në minutën e 76-të me Gabriel Jesus. Anglezët po tentonin prej disa minutash duke mbyllur në gjysmëfushën e tyre Paris Saint Germain. Por vetëm në atë minutë, Gabriel Jesus nuk gabon fare pranë portës duke i dhënë përkohësisht avantazhin ekipit të tij.
Festë e madhe në Etihad Stadium teksa tashmë Manchester City po udhëheq me rezultatin 2-1 kundër kampionëve të Francës. Kujtojmë që të parët kaluan në avantazh francezët me Kylian Mbappe-në, por tashmë gjithçka është përmbysur. 10 minuta nga fundi, është shumë pranë fitores, në këtë sfidë të vlefshme për fazën e grupeve, konkretisht grupin A.