Florian Marku do boksojë më 25 gusht në stadiumin “Air Albania” përballë Miguel Parra Ramirez. I pamposhtur në karrierën e tij, boksieri shqiptar do tentojë titullin WBC Silver Interim kundër meksikanit. E gjithë vëmendja për boksin është te Marku aktualisht në Shqipëri.
“Shqipëri, jam kthyer. Në zemrën dhe mendjen time, nuk mendoj se asnjë është më i mirë se unë”, thotë Florian Marku gjatë videos.
Besimi te vetja duket qartë, teksa nuk i trembet askujt. Markut pret të fitojë këtë takim në sytë e mijërave njerëzve brenda stadiumit dhe miliona të tjerëve jashtë. Kujtojmë se Marku do kthehet në Shqipëri pas rreth 5 viteve pas një ndeshje, kësaj here në ring dhe jo oktagon.