Partizani do të luajë në shtëpi përballë Marsaxlokk ndeshjen e parë të Conference League, në kuadër të raundit të parë të këtij kompeticioni. Sfida që do të zhvillohet më 11 korrik, do të startojë në orën 20:00.
Teksa të gjithë prisnin që ndeshja të zhvillohej në stadiumin “Air Albania”, klubi i kuq ka dalë me një deklaratë zyrtare duke bërë të ditur edhe stadiumin ku do të luhet ndeshja. Kjo sfidë do të zhvillohet në stadiumin “Elbasan Arena”.
“Klubi zyrtarizon stadiumin "Elbasan Arena" si impjantin që do të mirpresë takimin Partizani - Marsaxlokk i vlefshëm për raundin e parë të Uefa Europa Conference League.
Ndryshimi i axhendës së kësaj përballje ka ardhur si pasojë e gjendjes shumë të rënduar të fushës së stadiumit "Air Albania" që nuk ofron kushtet e përshtatshme për zhvillimin e ndeshjes.
Përballja Partizani - Marsaxlokk do të luhet në stadiumin "Elbasan Arena" datë 11 korrik ora 20:00”, shkruan klubi i Partizanit.
Lexo gjithashtu
