Fatjon Bunjaku
Fatjon Bunjaku është futbollisti më i ri i Elbasanit. Sulmuesi 21-vjeçar ka vendosur të mbyllë aventurën e tij në Superligën e Kosovës me Malishevën, për të nisur një të re me “verdheblutë”.
Bunjaku është zyrtarizuar ditën e sotme nga klubi i Elbasanit. Ndërkohë që Elbasani me “blutë” e Malishevës, kanë rënë dakord për një përqindje të kartonit në rast rishitje të Bunjakut.
Në sezonin që lamë pas, 21-vjeçari bëri mjaft mirë. Në 32 ndeshje që mori pjesë dhe me një total prej 1,674 minutash, Bunjaku ia doli që të shënonte 5 gola dhe të asistonte në 3 të tjerë.
Poll
