Viti i Ri 2025 ka nisur ndryshe për Superioren dhe Kategorinë e Parë. Kjo pasi pas ditës së djeshme tashmë klubet do të mund të aktivizojnë njëkohësisht 7 futbollistë të huaj njëherësh.
Vendimi është dhënë nga Komiteti Ekzekutiv disa muaj më parë dhe tashmë për pjesën e dytë të sezonit skuadrat kanë të drejtën të luajnë me 7 futbollistë të huaj në fushë njëkohësisht.
Por ky vendim ndryshon plotësisht për sezonin e ardhshëm. Në sezonin 2025-2026 ekipet nuk do të kenë limit aktivizimi të lojtarëve të huaj, pasi mund të përdorin sa të duan. Kështu ata mund të zbresin në fushë me 11 të huaj njëkohësisht, aq sa është numri i lojtarëve që luajnë në një skuadër.
Një vendim që pritet që të shikohet se çfarë do të ndodhë në vazhdim, pasi nëse më parë klubet kujdeseshin edhe për akademitë dhe promovimi i të rinjve, tashmë mbetet të shihet se si pritet nga skuadrat.
Lexo gjithashtu
