Vusal Iscandarli pritet ta nisë nga minuta e parë sot kundër Vllaznisë, teksa Partizani do të përballet me shkodranët, ndeshje e vlefshme për javën e 30-të të Superiores. Një sfidë që pritet me mjaft interes nga të gjithë sportdashësit ku do të vendosë shumë për fatet e të dy skuadrave. Anësori i fazës ofensive prej disa javësh ka munguar tek të kuqtë, megjithatë u grumbullua nga kombëtarja e Azerbajxhanit ku arriti edhe të shënonte.
Ai është kthyer në stërvitje me të kuqtë ku ka marrë edhe ngarkesën e duhur. Edhe pse trajneri Oltijon Kërnaja preferon që formacionin titullar ta zbulojë gjithmonë pak para takimit, me gjasë Iscandarli pritet të jetë në fushë. Cilësitë e treguara në këtë sezon të Superiores, padyshim e bëjnë atë një futbollist të rëndësishëm për organikën e kuqe.
Kujtojmë që ndeshja Partizani – Vllaznia është programuar të zhvillohet në orën 17:00 në stadiumin “Arena e Demave”.
Lexo gjithashtu
