Teuta është zhvendosur në Poloni për të zhvilluar fazën përgatitore. Durrsakët do të qëndrojnë për 10 ditë, ku do të marrin edhe ngarkesën e duhur për të qenë sa më shpejt gati për startin e kampionatit.
Siç dihet “Djemtë e Detit” janë “riformatuar” në këtë sezon dhe duket se për ta gjithçka nis nga 0. Lajm i mirë për stafin është se të gjithë lojtarët janë në gjendjen të mirë dhe grupi i skuadrës është i plotë.
“Teuta nis fazën përgatitore në Poloni!
Teuta ka filluar fazën e dytë përgatitore në qytetin Opalenica të Polonisë, ku do të qëndrojë për 10 ditë në një kompleks modern stërvitor. Kjo periudhë përgatitore është një hap i rëndësishëm për skuadrën durrsake në prag të sezonit të ri 2025/26.
Lajmi më i mirë për stafin teknik është se ekipi ka mbërritur i plotë dhe të gjithë lojtarët ndodhen në gjendje optimale, si nga ana fizike ashtu edhe psikologjike. Atmosfera në grup është mjaft pozitive, ndërsa dita e parë ka nisur me një seancë të lehtë stërvitore dhe aktivitete rikuperuese, pas udhëtimit drejt Polonisë.
Gjatë qëndrimit në Opalenica, Teuta do të zhvillojë edhe tri ndeshje miqësore, të cilat do t’i shërbejnë trajnerit për të testuar gjendjen e skuadrës dhe për të eksperimentuar me skemat taktike për sezonin e ri”, ka shkruar klubi durrsak.
View this post on Instagram
Lexo gjithashtu
