Erald Çinari pritet të largohet nga Shkëndija pas 1 viti e gjysëm në Tetovë. Sulmuesi nuk do të vazhdojë kontratën me kuqezinjtë dhe do ta mbyllë këtu aventurën iliridase.
E e ardhmja e Çinarit do të jetë në Shqipëri, aty ku do të rikthehet te Vllaznia. Një shkodran për klubin shkodran që nëse kryhet kjo marrëveshje, do të bënte një nga lëvizjet më të bujshme ende pa nisur zyrtarisht merkato.
Objektivi për Vllazninë në sezonin e ardhshëm është vetëm titulli kampion dhe kjo tregohet me lëvizjet e fundit. Për momentin është zyrtarizuar vetëm Kahrimanovic, teksa klubi është në negociata dhe me Lorenco Vilën.
Çinari është prodhim i akademisë kuqeblu, ndërsa kulmin e karrierës e kapi me Partizanin me të cilët fitoi edhe titullin kampion. Sallaksi 27-vjeçar është përfolur edhe më parë për rikthim në një nga dy ekipet e lartpërmendura, por këtë verë mund të bëhet realitet.
Lexo gjithashtu
