Tirana triumfoi në debri mbrëmjen e djeshme ndaj Partizanit. Bardheblutë fituan 3-0 ndaj të kuqve në një sfidë spektakolare në “Air Albania”.
Një fitore që vlen më shumë se 3 pikë, aq më tepër në një moment “JO” që po kalonin ekipet dhe tashmë skuadra e Roberto Bordin “shkelmon” krizën në sfidën më të rëndësishme të sezonit.
E siç ndodh tashmë pas ndeshjeve të tilla, premio është si shpërblim për lojtarët dhe stafin. Refik Halili i kënaqur në maksimum për triumfin e të tijve ka vendosur të hapë “thesin”.
20.000 euro është premio që kreu i klubit do të shpërndajë për këtë fitore. Një shumë e cila do t'iu jepet futbollistëve dhe stafit të ekipit, për t’i motivuar akomë më shumë për sfidat e radhës.
Kujtojmë se fitorja e mbrëmshme e Tiranës është e dyta rresht në derbi kundër Partizanit. Siç dihet bardheblutë kanë triumfuar edhe në derbin e fundit të sezonit të kaluar, teksa sigurojnë 3 pikët edhe në derbin e parë të këtij sezoni. Siç duket bardheblutë ia kanë marrë “dorën” tashmë të kuqve dhe për herë të dytë rresht “veshin” kryeqytetin me ngjyrat BARDH e BLU.
Lexo gjithashtu
