Partizani ka zyrtarizuar miqësoret para aventurës europiane. Kujtojmë se takimet do të marrin jetë në stadiumin “Gjorgji Kyçyku” të Pogradecit ku të kuqtë do zhvillojnë fazën përgatitore.
Fillimisht do të përballen me Strugën më 24 qershor, me Llapin më 29 dhe më pas do jetë Shkëndija më 3 korrik. Të treja takimet marrin jetë në 17:00, ndërsa të gjithë kundërshtarët marrin pjesë në turet e Europës.
Kryeqytetasit do të zhvendosen në Pogradec në fillimin e javës së ardhshme. Pikërisht të hënën do të lënë Tiranën, teksa aktualisht stërviten në stadiumin “Arena e Demave”.
Kujtojmë se Partizani merr pjesë në turin e parë kualifikues të Conference League. Aty të kuqtë janë në vazon e favoritëve. Shorti merr jetë më 18 qershor.
Programi i ndeshjeve miqësore:
Partizani – Struga, 24 qershor ora 17:00
Partizani – Llapi, 29 qershor ora 17:00
Partizani – Shkëndija 3 korrik, ora 17:00
Lexo gjithashtu
