Dinamo mori një barazim në ndeshjen ndaj Bylisit në “Elbasan Arena”, që është kthyer në shtëpinë zyrtare të dinamovitëve. Ajo që bie në sy është një fakt interesant për klubin e drejtuar nga Ilir Daja dhe ka të bëjë me formën aktuale të ekipit.
Edhe pse logjikisht “Nëndetësja Blu” nuk luan në fushën e saj, ajo po performon më së miri në faktorin fushë. Në tabelën e ekipeve që kanë grumbulluar më shumë pikë në shtëpi dhe e kanë kthyer në “fortesë” arenën e tyre kryeson ekipi kryeqytetas. Dinamo ka zhvilluar 5 ndeshje në 11 javë kampionat brenda duke mbledhur 13 pikë dhe 4 fitore në 5 ndeshje. Që të gjitha takimet, Dinamo ka arritur të mbijetojë e pa mposhtur.
Skuadra si Vllaznia dhe Elbasani ndjekin në këtë listë me nga 9 pikë secila të marra në ndeshjet brenda. Ekipi më i dobët në fushën e tij është Teuta, e cila dikur në durrës trembte çdo kundërshtar, por tani fitoren e vetme në shtëpi e ka ndaj klubit tjetër kryeqytetas, Tiranës.
Nga këto statistika na del që Dinamo e Dajës është ekipi për t’u mundur në Elbasan, si dhe ky qytet është kthyer në një “kla” të vertëtë për çdo skaudër që luan takimet e Superiores aty. Në listë vërehet se 2 klubet e tjera të Tiranës renditen dobët në takimet e zhvilluara si pritëse, që dikur ishin transferat më të vështira për këdo ekipi në futbollin shqiptar.
Lexo gjithashtu
