Skuadra e Tiranës siguroi mbijetesën në elitën e futbollit shqiptar dhe “arkitekti” i kësaj arritje është padiskutim trajneri Orges Shehi.
Edhe pse i mori bardheblutë në vendet e fundit të tabelës, e pasuar me lojë të brishtë dhe reparte pa busull, qoftë në mbrojtje, mesfushë e sulm, Shehi i ndryshoi “fytyrën” ekipit bardheblu.
Janë 9 ndeshje radhazi që Tirana nuk njeh rezultat negative në Superiore, e përkthyer me 7 fitore dhe 2 barazime, 23 pikë nga 27 të mundshme, statistikë e jashtëzakonshme.
Kjo e dhënë merr vlerë tej mase të lartë për faktin ku ndodhej skuadra kryeqytetase dhe forca e kundërshtarëve. Ata mposhtën Partizanin në derbi, fituan Klasiken e Shqipërisë ndaj Vllazninë, duke “thyer” edhe “tabu”, ku bardheblutë vinin pas dy humbjeve radhazi në derbi dhe 0 gola të shënuar.
Kurse me shkodranët nuk e njihnin fitore “para erës” së Orges Shehit këtë edicion. Statistika të tilla, as Edi Martini i Vllaznisë, Gvozdenovic i Elbasanit apo Ilir Daja i Dinamos, nuk i afrohen shifrave të Shehit.
Lexo gjithashtu
