Tirana ia doli më në fund të merrte fitoren e parë në kampionat pas plot 7 javësh. Bardheblutë mposhtën Skënderbeun me përmbysje me rezultatin 2-1 duke shkuar në kuotën e 9 pikëve në vendin e 7-të. Kjo fitore ka sjellë disi komfort dhe qetësi në ambientin bardheblu, por situata ishte totalisht ndryshe 1 vit më parë në këtë pikë të kampionatit.
Pikërisht pas kësaj jave në sezonin e kaluar, Orges Shehi u shkarkua nga stoli i kryeqytetasve pas humbjes 0-3 ndaj Laçit. Deri në këtë pikë, Shehi kishte grumbulluar 10 pikë duke e pozicionuar skuadrën në vendin e 5-të me 3 fitore, 3 humbje dhe 1 barazim.
Nën drejtimin e Shehit, skuadra ishte ‘vrastare’ në sulm me 11 gola, por e brishtë në prapavijë duke u ndëshkuar 12 herë. Ndryshe shihet këtë sezon ku golavarazhi është pozitiv +1 me 8 gola të shënuar dhe 7 të pësuar. Mbrojtja është pika më e fortë e Tiranës së këtij fillimsezoni, e cila çalon disi në fazën ofensive, totalisht ndryshe nga ekipi i Shehit.
Nën drejtimin e Shehit, Tirana arriti majat duke fituar titullin kampion dhe Superkupën e Shqipërisë për 3 sezone që drejtoi durrsaku. Epoka e Shkëmbit ka nisur tani te Tirana dhe ka një rrugë shumë të gjatë për të ndjekur hapat e ish-shokut të tij te ‘Skënderbeu i artë’.
View this post on Instagram
Lexo gjithashtu
