Ndeshja Vllaznia – Partizani e përfunduar me shifrat 4-1 ka prodhuar debat edhe në panelet sportive. Shumë raste të diskutuara në një takim ku edhe arbitri Olsid Ferataj fitoi protagonizëm. E pikërisht për këtë, në studion e emisionit “Skaner” moviolisti Bujar Pregja diskutoi një për një rastet. I ftuar ishte edhe Sulejman Starova, ish trajneri i të kuqve, tashmë në rolin e shefit të trajnerëve në Federatën Shqiptare të Futbollit.
“Bobi” foli pa klishe duke thënë gjithçka siç e mendonte, mbështetur në atë që i servirej sipas pamjeve filmike. Në një moment të ndeshjes, Ardit Krymi ndërhynte nga pas lojtarit të Partizanit, por për gjyqtarin gjithçka ishte e rregullt. Ndërkohë në studio u diskutua se ishte në kufijtë e kartonit të kuq. Disa gabime të përsëritura sipas analistëve nga ana e gjyqtarit, i cili nuk i shpëtoi as kritikës së Starovës.
“Më duket paska qenë i lodhur. Paska qenë në gjumë”, ishte një nga komentet e Starovës në studion e emisionit të drejtuar nga Gert Çarçani. Të gjithë të ftuarit ishin njëzëri të bindur se Olsid Ferataj kishte bërë disa gabime rresht në përballjen mes shkodranëve dhe të kuqve.
Lexo gjithashtu
