Tirana ka fituar në shtëpi përballë Vorës, në ndeshjen e vlefshme për javën e 29-të të “Abissnet Superiore”. Sfida e zhvilluar në stadiumin “Selman Stërmasi”, përfundoi me shifrat 3-0.
Golin e parë për bardheblutë, e shënoi Freddy Alvarez në minutën e 13-të. Ndërkohë që dy golat e tjerë u shënuan nga Redon Xhixha, respektivisht në minutën e 66-të dhe në të 81-tën.
Kështu, Tirana mbetet në vendin e parafundit (9-të), por shkon në kuotën e 27 pikëve, po aq sa Vora e vendit të 8-të. Ndërkohë që tani bardheblutë e Shehit janë vetëm 3 pikë larg Bylisit në vendin e 7-të.
Tirana 3-0 Vora (Alvarez 13', Xhixha 66', 80')
"Abissnet Superiore": Java e 29-të
Stadiumi: "Selman Stërmasi"
Arbitër kryesor: Enea Jorgji
FORMACIONET ZYRTARE:
TIRANA: Bekaj, Vera, Ndong, Cortes, Myslovic, Rafa, Alvarez, Haxhiu, Halili, Kobiljar, Mehmeti. Trajner: Orges Shehi.
VORA: Harizaj, Repaj, Tabaku, Felipe, Kasalla, Bardhi, Prestige, Kashari, Fazlagic, Daka, Geci. Trajner: Arjan Bellai.
LIVE:
90+3' Mbyllet 3-0 ndeshja.
80' GOL TIRANA! Shënon Redon Xhixha.
66' GOL TIRANA! Shënon Redon Xhixha.
45'+1 Mbyllet pjesa e parë, Tirana 1-0 Vora.
45' Akordohet vetëm një minutë shtesë para mbylles së pjesës së parë.
43' Rast i pashfrytëzuar nga Patrik Bardhi i Vorës që as kroson dhe as godet drejt portës.
42' Kobiljar i shkon pranë golit pas krosimit të Haxhiut, topi përfundon jashtë katërkëndëshit të portës.
37' Prestige provon goditjen për golin e parë, por topi del jashtë kuadratit.
35' Tirana i afrohet golit të dytë, por porteri Harizaj bën pritjen vendimtare.
27' Rast i mirë për Haxhiun i cili godet drejt portës, por loja ndalet për faull.
22' Tirana pranë golit të dytë, por topi del jashtë kuadratit.
13' Kalon në avantazh Tirana falë një goli nga jashtë zone të Alvarez.
Goli i Alvarez
5' Një tjetër rast shënimi për Tiranën, mbrojtja e Vorës tregohet vigjilente dhe bllokon gjithçka.
3' Goditje dënimi për Tiranën, krosimi pastrohet nga mbrojtësi i Vorës.
1' Shkelmohet topi i parë, nis sfida mes Tiranës dhe Vorës.
Lexo gjithashtu
