Dinamo e ka mbyllur në mënyrën e duhur javën e 18-të në Superiore dhe e fundit për këtë vit kalendarik. “Blutë” triumfuan 3 – 1 në derbi ndaj Partizanit.
Pjesa e pare përfundoi me avantazhin minimal të “Demave të Kuq”, goli i Rrok Tomës. Në fraksionin e dytë të ndeshjes, Dinamo rriti “dozat” e presionit dhe u shpërblye me eurogolin e Bregut, rrjetën e Guindos dhe autogolin e Bytyçit në limite.
Partizani nga krahu tjetër, merr humbjen e dytë radhazi. Dinamo ka arritur në 32 pikë, 5 më pak se Egnatia kryesuese. “Demat e Kuq” mbeten në kuotën e 23 pikë, pozicioni i 6-të.
PARTIZANI – DINAMO 1 – 3 (Toma 44'/ Bregu 48', Guindo 74', Bytyçi 90+2' autogol)
90+6' Përfundon ndeshja Partizani - Dinamo, "Blutë" triumfojnë 3 - 1.
90+2' - Bytyçi mbyll "hesapet" e ndeshjes me autogolin në limite.
84' - Skuka gjen golin e barazimit pas gabimit nga prapavija e Dinamos, por arbitri Florjan Lataj e vlerëson jo të rregullt.
74' - Pasim gjenial nga Bernard Berisha, Guindo "ndëshkon" Partizanin, vjen përmbysja.
63' - Gudjufi merr pasim fantastik nga Mehmeti, ama mungon saktësia para portierit Teqja.
48' - Dinamo barazon me eurogolin e Dejvi Bregut nga goditja e dënimit.
46' - Starton pjesa e dytë.
45+2' - Mbyllet pjesa e parë.
44' - Isgandarli kroson bukur në zonë, ndërsa Rrok Toma u gjend në pozicionin e duhur për të "shkundur" rrjetën mike.
37' - Diego Contreras vendos në vështirësi portierin Teqja, i cili kontrollon topin në dy kohë.
23' - Lorenco Vila shpërdoron rast të "artë" për golin, goditje e dobët.
15' - Rrok Toma i shkon pranë golit, por godet keq me kokë.
1’ – Nis ndeshja Partizani – Dinamo në “Arena e Demave”
FORMACIONET ZYRTARE:
PARTIZANI: Qirko, Atanaskoski, Janjeva, Bytyçi, Ismaili, Kola, Isgandarli, Toma, Buxhelai, Contreras, Sembene.
Trajner: Oltijon Kërnaja.
DINAMO: Teqja, Teixeira, Guindo, Vila, Bregu, Maliqi, Gassama, Nani, Qefalija, Dita, Neziri.
Trajner: Ilir Daja.
SUPERIORE: Java e 18-të
Stadiumi: “Arena e Demave”
Arbitër: Florjan Lata
Lexo gjithashtu
