Serxho Ujka është zyrtarisht një futbollist i Egnatias. Prej muajsh klubi rrogozhinas kishte përgatitur këtë transferim, por hasi vështirësi nga Laçi.
Më tej nga Newsport.al mësohet se Partizani ishte pranë firmës me mesfushorin deri në mbrëmjen e djeshme. Egnatia ka ditur të joshë lojtarin që do të vishte fanellën e klubit të kuq dhe kanë firmosur me të pikërisht sot.
Tashmë saga ka marrë fund dhe mesfushori 26-vjeçar prezantohet nga presidenti Agim Demrozi i cili është përkujdesur personalisht për t’i siguruar firmën mesfushorit me më shumë pjesëmarrje në gol sezonin e fundit (5 gola, 10 asiste). Egnatia do të paguajë plot 100 mijë euro në arkat e kurbinasve, ndërsa Ujka firmos një kontratë 3-vjeçare.
Kështu Egnatia jep leksionet e një klubi kampion. Dhe rrogozhinasit ia kanë dalë pikërisht përballë nënkampionëve, që ishte dhe rivali më i madh në sezonin e kaluar.
Lexo gjithashtu
