Laçi po kalon një super moment në kampionat. Kurbinasit kërkojnë të ruajnë këtë ecuri dhe pas rikthimit të Superiores këtë javë.
Skuadra veriore duket se e ka hedhur poshtë ecurinë e keqe në fillim të sezonit dhe me teknikun e ri gjërat janë ‘riingranuar’. Skuadra e trajnerit italian mund të ketë grumbulluar vetëm 12 pikë në 13 ndeshje, por psikologjia ka ndryshuar. Shumica e këtyre pikëve janë arritur me në krye Morieron.
“Bardhezinjtë” kanë mundur ekipe të ‘dorës së rëndë’ si Egnatia e Tetovës apo edhe Vllaznia e Balajt. Rezultate pozitive kanë mbërritur edhe me Tiranën apo Elbasanin.
Transfertat në Tiranë janë gjithmonë delikate, mirëpo Laçi me Partizanin ka barazuar takimin e fazës së parë dhe një gjë e tillë nuk duket çudi të ndodh përsëri. Pikët kundër ‘Demave’ janë qartazi kusht për kurbinasit.
Lexo gjithashtu
