Kukësi po kalon sezonin më të vështirë, që prej ngjitjes në Superiore. Verilindorët i mban në garë vetëm matematika, për të mos rënë nga elita e futbollit shqiptar.
Ky sezon ka vetëm një anë pozitive. Ka të bëjë me Kupën e Shqipërisë ku verilindorët janë në gjysmëfinale. Kuksianët madje fituan takimin e parë me Tiranën 2 me 0 dhe kanë të gjitha mundësitë për të siguruar finalen e madhe.
Kështu dhe pse ekziston mundësia për të rënë nga kategoria, ekziston po ashtu të marrin pjesë në Europë përmes fitimit të Kupës së Shqipërisë. Kjo nuk është situatë që ndodh për herë të parë në futbollin shqiptar.
Kujtojmë se diçka të tillë e arrinte Tirana në vitin 2017. Bardheblutë provonin rënien për herë të parë nga Superiorja. Në të njëjtën kohë fitonin Kupën e Shqipërisë dhe luanin në kualifikueset e Europa League.
Lexo gjithashtu
