Një nga fenomenet e klubeve shqiptare është emërimi i trajnerëve të huaj. Diçka të tillë e konfirmoi edhe së fundmi Partizani, të cilët zgjodhën një trajner të huaj, teksa të tillë e ka edhe Skënderbeu, por jo vetëm, duke futut në listë edhe Kategoritë e tjera.
Në lidhje me këtë temë ka reaguar Klodian Duro. Trajneri dhe ish-futbollisti i Kombëtares ka thumbuar klubet e Superiores duke ironizuar me një postim në rrjetet sociale. Duro thotë se i vjen për të qeshur kur sheh idetë “gjeniale” të klubeve shqiptare përsa i përket emërimit të trajnerëve.
“Gjithmonë më vjen për të qeshur kur shoh emërimet e trajnerëve nga klubet shqiptare, sepse kanë ide gjeniale. Këto ide më frymëzuam dhe mua, padyshim! Nga sot nuk jam vetë mtrajner shqiptar, por edhe i huaj. Jam trajner italian, anglez, gjerman, austriak, zviceran, turk, grek, kroat, qipriot, serb, malazez, maqedonas, bullgar, rumun, spanjoll, portugez, brazilian. Të gjitha këto gjuhë i flas e shkruaj rrjedhshëm, pa mu mbajtur goja.
Vetëm francez nuk jam se e kuptoj po nuk e flas rrjedhshem dhe s’dua të gënjej. Për futbollistët shqiptarë do kem përkthyes në stafin tim. Klubet e inteesuara të kontaktojnë menaxherin tim, Jorge Mendes. Faleminderit dhe qeshni sa më shumë se e qeshura ju shton jetën”, shkruan Klodian Duro në rrjetet sociale.
Egnatia, Vllaznia, Dinamo dhe Partizani deri më tani në “Final Four”. Mendoni se do të ketë ndryshime deri në fund të Superiores?
-
Po
-
Jo
-
Nuk e di
